പയ്യോളി: ലഹരിക്കെതിരെയുള്ള പോരാട്ടത്തിൻ്റെ ഭാഗമായി മേലടി എം.എൽ.പി സ്കൂളിലെ വിദ്യാർത്ഥികൾ ദേശീയ പാതയോരത്ത് കുട്ടിച്ചങ്ങല ഒരുക്കി. നാടിന് വിപത്തായി മാറിയ ലഹരിയെ സമൂഹത്തിൽ നിന്നും പിഴുതെറിയണമെന്നും വിദ്യാലയ പരിസരങ്ങൾ ലഹരിമുക്തമാവണമെന്നും ഇളംതലമുറയെ സംരക്ഷിക്കാൻ സമൂഹമൊന്നായി ഈ പോരാട്ടത്തിൽ അണിചേരണമെന്നും വിദ്യാർത്ഥികൾ ആവശ്യപ്പെട്ടു.
ഹെഡ്മിസ്ട്രസ് എ.വി റജുല ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. ഷമീർ വാകയാട്, പി.പി ഉമ്മുഹാനി, ടി.വി നിമിഷ, മേരി ജനീവ, കെ.കെ അശ്വതിസംബന്ധിച്ചു.