പയ്യോളി: ലഹരി വിരുദ്ധ ക്യാമ്പയിനിന്റെ ആദ്യഘട്ട പ്രവർത്തനത്തിന്റെ സമാപന ദിനത്തോടനുബന്ധിച്ച് തൃക്കോട്ടൂർ യുപി സ്കൂൾ വിദ്യാർത്ഥികളും അധ്യാപകരും രക്ഷിതാക്കളും വിദ്യാലയത്തിന് ചുറ്റും അണിനിരന്ന് പ്രതിജ്ഞയെടുത്തു.
ലഹരി വിരുദ്ധ പ്രതിജ്ഞയിൽ പിടിഎ പ്രസിഡണ്ട് എ വി ഷിബു, വൈസ് പ്രസിഡണ്ട് വേണു വെണ്ണാടി എം പി ടി എ പ്രസിഡണ്ട് ബിജില ടി ടി, മറ്റ് പിടിഎ എം പി ടി എ പ്രതിനിധികളും എക്സിക്യൂട്ടീവ് അംഗങ്ങളും രക്ഷിതാക്കളും പങ്കെടുത്തു. ദിനാചരണത്തിന്റെ ഭാഗമായി സ്കൂൾ അങ്കണത്തിൽ ഫ്ലാഷ് മോബ് അവതരിപ്പിച്ചു. തിക്കോടി പഞ്ചായത്തിലെ സമീപ സ്കൂളുകളിലും പയ്യോളി ടൗണിലും ഇത് അവതരിപ്പിക്കുകയുണ്ടായി.