പയ്യോളി : കാർ കടയിലേക്ക് പാഞ്ഞു കയറി അപകടം. പയ്യോളി – പേരാമ്പ്ര റോഡിൽനിന്ന് നഗരസഭ ഓഫീസിലേക്കുള്ള റോഡിനടുത്തുള്ള ‘സനാന’ ടൈലറിംഗ് ഷോപ്പിലേക്കാണ് നിയന്ത്രണം വിട്ട കാർ പാഞ്ഞു കയറിയത്. ഇന്ന് ഉച്ചതിരിഞ്ഞ് 3 മണിയോടെ ആയിരുന്നു സംഭവം.
കടയിൽ മുൻവശത്തായി ജോലി ചെയ്യുന്ന രണ്ടുപേർ ഇന്ന് അവധിയായതും എപ്പോഴും തിരക്കേറിയ നഗരസഭാ റോഡിൽ ആളൊഴിഞ്ഞതും കാരണം ദുരന്തം തലനാരിഴയ്ക്ക് ഒഴിവാവുകയായിരുന്നു. പയ്യോളി പോലീസ് സ്ഥലത്തെത്തി തുടർനടപടികൾ സ്വീകരിച്ചു.
