കൊയിലാണ്ടി: കൊയിലാണ്ടി താലൂക്ക് ആശുപത്രിയിൽ രോഗികളുടെ തിരക്ക് കുറക്കാൻ എട്ടോളം ഹൗസ് സർജൻസി ഡോക്ടർമാരുടെ സേവനം ലഭ്യമാവുന്നു. ഒ.പി.വിഭാഗത്തിലും കാഷ്വാലിറ്റിയിലുമായിരിക്കും സേവനം ലഭ്യമാക്കുക, കൊയിലാണ്ടി താലൂക്ക് ആശുപത്രിയിൽ ദിവസേനെ 2000ത്തിലധികം രോഗികളാണ് ചികിൽസക്കായി എത്തുന്നത് . തിരക്ക് നിയന്ത്രിക്കുന്നതിനു വേണ്ടിയും രോഗികൾക്ക് കൃത്യമായ ചികിത്സ ലഭിക്കാൻ വേണ്ടിയാണ് ഡോക്ടർമാരുടെ സേവനം ലഭ്യമാക്കുന്നത്. നഗരസഭയുടെയും ആശുപത്രി സൂപ്രണ്ടിൻ്റെയും പരിശ്രമവും ഹൗസ് സർജ സി ഡോക്ടർമാരുടെ സേവനം ലഭ്യമാകുന്നതിന് സഹായകമായി.നേരത്തെ പ്രതിപക്ഷ സംഘടനകൾ വിവിധ ആവശ്യങ്ങൾ ഉന്നയിച്ച് പ്രക്ഷോഭം നടത്തിയിരുന്നു.
