തുറയൂർ : തുറയൂരിലെ മൂന്ന് പ്രദേശങ്ങളിലായി സ്ഥാപിച്ച ലോമാസ്റ്റ് ലൈറ്റ് ഉദ്ഘാടനം വടകര എംപി കെ മുരളീധരൻ നിർവഹിച്ചു. തുറയൂർ ഗ്രാമപഞ്ചായത്ത് പ്രസിഡന്റ് സി.കെ.ഗിരീഷ് അധ്യക്ഷനായ പരിപാടിയിൽ സ്റ്റാൻഡിങ് കമ്മിറ്റി ചെയർമാൻമാരായ കെഎം രാമകൃഷ്ണൻ, ദിപിന ടികെ , ജില്ലാ പഞ്ചായത്ത് മെമ്പർ ദുൽക്കിഫിൽ ബ്ലോക്ക് മെമ്പർമാരായ, അഷിദ, ബാലൻ വാർഡ് മെമ്പർമാരായ കുട്ടികൃഷ്ണൻ, ജിഷ , റസാഖ്, വിവിധ രാഷ്ട്രീയ പാർട്ടി പ്രതിനിധികൾ ആയ ടി.കെ.സുനിൽ , ഇ കെ ബാലകൃഷ്ണൻ, വള്ളിൽ പ്രഭാകരൻ , മുനീർ കുളങ്ങര , നാരായണൻ നാഗത്ത് , സുരേഷ് ഗോപാൽ , ശ്രീനിവാസൻ കൊടക്കാട്, തുടങ്ങിയവർ ആശംസകൾ അർപ്പിച്ചു .
എംപിയുടെ ആസ്തി വികസന ഫണ്ടിൽ നിന്ന് തുക അനുവദിച്ചു കൊണ്ടാണ് അട്ടക്കുണ്ട് പാലം, പാലച്ചുവട്, കല്ലുംപുറം, തുടങ്ങിയ പ്രദേശങ്ങളിൽ ലോമാസ്റ്റ് ലൈറ്റ് സ്ഥാപിച്ചത്. പ്രസ്തുത പരിപാടിയിൽ തുറയൂർ ഗ്രാമപഞ്ചായത്ത് വൈസ് പ്രസിഡന്റ് ശ്രീജ മാവുള്ളാട്ടിൽ സ്വാഗതവും സബിൻരാജ് നന്ദിയും പറഞ്ഞു.