കൽപ്പറ്റ : വയനാട് ജനവാസ കേന്ദ്രത്തിൽ കടുവയിറങ്ങി. വയനാട് വാകേരി ഗാന്ധി നഗറിലാണ് കടുവ സ്വകാര്യ തോട്ടത്തിൽ കിടക്കുന്നത്. കടുവയ്ക്ക് പരിക്ക് ഉണ്ടെന്നാണ് സംശയം. വനം വകുപ്പും പൊലീസും സ്ഥലത്ത് എത്തി. മെഡിക്കൽ സംഘം എത്തിയ ശേഷം തുടർ നടപടിയെന്ന് വനം വകുപ്പ് അറിയിച്ചു.
അതേസമയം അട്ടപ്പാടി പട്ടിമാളത്ത് ജനവാസ മേഖലയിൽ കാട്ടാനക്കൂട്ടമിറങ്ങി. കഴിഞ്ഞ രാത്രിയാണ് ആന ഇറങ്ങിയത്. വണ്ടി കോട്ടിമാരിയമ്മൻ ക്ഷേത്രത്തിലെ കുടിവെള്ള ടാങ്കും മൈക്ക് സെറ്റിലേക്കുള്ള കണക്ഷനുകളും സിമന്റ് തറയും കാട്ടാന തകർത്തു.
