മലപ്പുറം: കർണാടക തെരഞ്ഞെടുപ്പ് ഫലം രാജ്യത്തൊട്ടാകെ കോൺഗ്രസ്‌ പ്രവർത്തനത്തിൽ പ്രതിഫലിക്കുമെന്ന് മുസ്ലിം ലീഗ് നേതാവ് പികെ കുഞ്ഞാലിക്കുട്ടി പറഞ്ഞു..കേരളത്തിലും ആ പ്രതിഫലനം ഉണ്ടാകും.വർഗീയ കാർഡ് കൊണ്ട് എല്ലാം നേടാം എന്ന ബിജെപി കാഴ്ചപ്പാടിനുള്ള തിരിച്ചടിയാണിത്.2024 വിജയത്തിലേക്കുള്ള യാത്ര ആണ് ഈ വിജയം.കോൺഗ്രസ്‌ നേതൃത്വത്തിലുള്ള മുന്നണി അധികാരത്തിൽ വരും.കോൺഗ്രസ്‌ വിജയം രാജ്യത്തിനു നൽകുന്നത് നല്ല സന്ദേശമെന്ന് സാദിഖലി തങ്ങൾ പറഞ്ഞു.ന്യൂനപക്ഷ വോട്ടുകൾ ഏകീകരിച്ചു.ദക്ഷിണ ഇന്ത്യയിൽ ബിജെപിക്ക് സ്വാധീനം ഇല്ലെന്ന് തെളിഞ്ഞുവെന്നും അദ്ദേഹം പറഞ്ഞു.കർണ്ണാടക തെരഞ്ഞെടുപ്പ് ഫലത്തിലൂടെ ഒന്നാം കക്ഷി കോൺഗ്രസ്‌ തന്നെയെന്ന് തെളിഞ്ഞുവെന്ന് കെ മുരളീധരന്‍ പറഞ്ഞു.ബിജെപി തകർന്നടിഞ്ഞു.മോദി എന്ന മാജിക് കൊണ്ടു രക്ഷപെടാൻ കഴിയില്ല എന്ന് വ്യക്തമായി.ബിജെപി യെ നേരിടാൻ ഇപ്പോഴും കോൺഗ്രസ്‌ തന്നെയാണെന്ന് ഇതോടെ തെളിഞ്ഞുവെന്നും അദ്ദേഹം പ്രതികരിച്ചു
