പയ്യോളി : ഹിന്ദുസ്ഥാൻ സ്കൗട്ട്സ് ആൻഡ് ഗൈഡ്സ് സംസ്ഥാന ഗുരുപദ് അവാർഡിന് അയനിക്കാട് വിദ്യാനികേതൻ പബ്ലിക് സ്കൂളിലെ വിദ്യാർത്ഥികൾ അർഹരായി. മുഹമ്മദ്‌ സിയാൻ നിസാർ, സായ്കിരൺ എസ് സുനിൽ, അമൻ ഹാദി സഹീർ എന്നിവരാണ് അവാർഡിനാർഹരായവർ. കോഴിക്കോട് എം.എസ്.എസ് പബ്ലിക് സ്കൂളിൽ നടന്ന അവാർഡ് ദാന ചടങ്ങിൽ മന്ത്രി അഹമ്മദ്‌ ദേവർകോവിലിൽ നിന്ന് മുഹമ്മദ്‌ സിയാനും സ്കൂൾ സ്കൗട്ട് ട്രെയിനർ എം. കെ ഫായിസും അവാർഡുകൾ ഏറ്റുവാങ്ങി.
സ്കൗട് ആൻഡ് ഗൈഡ് ക്യാമ്പുകളിൽ ശാരീരികക്ഷമത, എഴുത്ത് പരീക്ഷ, അഭിമുഖ പരീക്ഷ എന്നിവയിലൂടെ തിരഞ്ഞെടുക്കപെടുന്നവരാണ് അവാർഡിനാർഹരാവുക. സംസ്ഥാന സ്കൗട്ട് ട്രെയിനർ രാഹുൽ, സ്കൂൾ ഗൈഡ് ട്രെയിനർമാരായ ശ്രീലത, സൗഭ എന്നിവർക്ക് കീഴിലായിരുന്നു പരിശീലനം.
