പയ്യോളി: എസ് എൻ ഡി പി യോഗം പയ്യോളി യൂണിയൻ്റെയും വിവിധ ശാഖകളുടെയും ആഭിമുഖ്യത്തിൽ ശ്രീനാരായണ ഗുരുവിൻ്റെ 169- മത് ജയന്തി ആഘോഷിച്ചു. രാവിലെ പയ്യോളി യൂണിയൻ ഓഫീസ് അങ്കണത്തിൽ സ്വാഗതസംഘം ചെയർമാൻ കെ പി രാമകൃഷ്ണൻ പതാകയുയർത്തി. തുടർന്ന്, യൂണിയൻ ഗുരുമന്ദിരത്തിൽ ഗുരുദേവ അഷ്ടോത്തര നാമാർച്ചനയും സമൂഹപ്രാർഥനയും നടത്തി.
പയ്യോളി മഹാവിഷ്ണു ക്ഷേത്ര കമ്മിറ്റിയുടെ ചതയദിനഘോഷയാത്ര
യൂണിയൻ ചെയർമാൻ കാഞ്ഞിരോളി കുഞ്ഞിക്കണ്ണൻ, മുൻ യൂണിയൻ സെക്രട്ടറി സുഭാഷ് കോമത്ത്, കെ എൻ രത്നാകരൻ, വനിതാ സംഘം പ്രസിഡൻ്റ് വി പി ഇന്ദിര ദേവി, കെ സുമ, എം ആർ കൃഷ്ണൻ മാസ്റ്റർ, കൊളപ്പന്നാരി കൃഷ്ണൻ, കൊളാവി രാഘവൻ നേതൃത്വം നൽകി. വൈകീട്ട്, പയ്യോളി മഹാവിഷ്ണു ക്ഷേത്ര കമ്മിറ്റിയുടെയും എസ് എൻ ഡി പി യോഗം പയ്യോളി മേഖലാ കമ്മിറ്റിയുടെയും നേതൃത്വത്തിൽ ചതയദിനഘോഷയാത്ര സംഘടിപ്പിച്ചു. യൂണിയൻ വൈസ് പ്രസിഡൻ്റ് കെ പി രാമകൃഷ്ണൻ, കൺവീനർ കെ ഉദയകുമാർ, കാഞ്ഞിരോളി കുഞ്ഞിക്കണ്ണൻ, സുഭാഷ് കോമത്ത്, ടി പി നാണു, കെ വി ചന്ദ്രൻ, എസ് കെ പുഷ്പലത, പി ആനന്ദൻ, കൊല്ലാണ്ടി രാജൻ നേതൃത്വം നൽകി.
