പയ്യോളി: ഹയർ സെക്കൻ്ററി നാഷണൽ സർവ്വീസ് സ്കീം ഒന്നാം വർഷ എൻ.എസ്.എസ് വളണ്ടിയർമാർക്കായി നടപ്പിലാക്കുന്ന എറൈസ് നേതൃക്യാമ്പിൻ്റെ രണ്ടാം ബാച്ചിന് ഇരിങ്ങൽ സർഗാലയയിൽ തുടക്കമായി. കോഴിക്കോട് , വയനാട്, മലപ്പുറം ജില്ലകളിളെ 130 കുട്ടികളാണ് ഈ ബാച്ചിൽ പങ്കെടുക്കുന്നത്. മേലടി ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് ഉദ്ഘാടനം ചെയ്തു.
എറൈസ് രണ്ടാം ബാച്ച് ഉദ്ഘാടനം മേലടി ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് ഉദ്ഘാടനം ചെയ്യുന്നു.
പയ്യോളി ക്ലസ്റ്റർ കൺവീനർ പി.ശ്രീജിത്ത് അധ്യക്ഷനായി. ജില്ല കൺവീനർ എം.കെ ഫൈസൽ മുഖ്യ പ്രഭാഷണം നടത്തി. ക്യാമ്പ് കോ ഓർഡിനേറ്റർ എസ് ശ്രീചിത്ത്, ക്ലസ്റ്റർ കൺവീനർമാരായ പി.കെ സുധാകരൻ, എം സതീഷ് കുമാർ, സി.കെ ജയരാജൻ, കെ.രവീന്ദ്രൻ, സി. ഷമീർ, എ.വി സുജ എന്നിവർ സംസാരിച്ചു.
