പയ്യോളി: എട്ടാം ക്ലാസ് വിദ്യാർഥിനിക്ക് നേരെ ലൈംഗികാതിക്രമം നടത്തിയ സംഭവത്തിൽ 42-കാരൻ പിടിയിലായി. പള്ളിക്കര സ്വദേശി മുഹമ്മദ് റാഫിയെയാണ് പയ്യോളി പോലീസ് അറസ്റ്റ് ചെയ്തത്. ഓഗസ്റ്റ് 25-ന് പയ്യോളി പുളിമുക്ക് ഗ്രൗണ്ടിൽ നടന്ന വടംവലി മത്സരം കാണാനെത്തിയതായിരുന്നു വിദ്യാർഥിനി. ഇവിടെവെച്ചാണ് പ്രതി പെൺകുട്ടിക്ക് നേരെ ലൈംഗികാതിക്രമം നടത്തിയത്. തുടർന്ന് പെൺകുട്ടിയുടെ പരാതിയിൽ കേസെടുത്ത് അന്വേഷണം നടത്തിയ പോലീസ് സംഘം പ്രതിയെ പിടികൂടുകയായിരുന്നു. അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.