കൊച്ചി: വൈറ്റില ചളിക്കവട്ടത്ത് വാടക വീട്ടിൽ താമസിക്കുന്ന മുൻ ഭാര്യയെ കാണാനെത്തിയ യുവാവിന് കുത്തേറ്റു. എറണാകുളം സ്വദേശി മുഹമ്മദ് റിയാസ് (27) ആണ് ആക്രമണത്തിൽ ഗുരുതരമായി പരിക്കേറ്റത്. സംഭവവുമായി ബന്ധപ്പെട്ട് മുൻ ഭാര്യയുടെ പങ്കാളിയായ മട്ടാഞ്ചേരി നെല്ലിക്കകത്ത് സ്വദേശി മുഹമ്മദ് ബിലാൽ (26) നെ പൊലീസ് കസ്റ്റഡിയിലെടുത്തു. ചളിക്കവട്ടത്തെ വാടക വീട്ടിൽ വെച്ചാണ് യുവാവിന് നേരെ ആക്രമണമുണ്ടായത്. റിയാസിൻറെ വയറിനും കൈയ്ക്കുമാണ് കുത്തേറ്റത്. ആക്രമണത്തിൽ ഗുരുതരമായി പരിക്കേറ്റ റിയാസിനെ ഉടൻ എറണാകുളം മെഡിക്കൽ സെൻറർ ആശുപത്രിയിൽ പ്രവേശിപ്പിച്ചു. നിലവിൽ യുവാവ് ആശുപത്രിയിൽ ചികിത്സയിലാണ്. സംഭവത്തെ തുടർന്ന് പൊലീസ് മുഹമ്മദ് ബിലാലിനെ കസ്റ്റഡിയിലെടുത്ത് തുടർ നടപടികൾ സ്വീകരിച്ചു. ആക്രമണത്തിലേക്ക് നയിച്ച സാഹചര്യങ്ങളെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല.
മുൻ ഭാര്യയെ കാണാനെത്തിയ യുവാവിന് കുത്തേറ്റു, യുവതിയുടെ പങ്കാളി അറസ്റ്റിൽ
Nov 19, 2026, 11:36 am GMT+0000
payyolionline.in
സംസ്ഥാനത്ത് സൈബർ തട്ടിപ്പ് വ്യാപകം; കോഴിക്കോട് സ്വദേശികളായ ദമ്പതികൾക്ക് നഷ്ടമ ..
‘ബിജെപിയിൽ പോയത് തെറ്റായിപ്പോയി, ആ തെറ്റ് ഇപ്പോൾ തിരുത്തുന്നു’; ബ ..
