പയ്യോളി : പയ്യോളി നഗരസഭ ഭരണം, യു ഡി എഫ് ധാരണ പ്രകാരം വൈസ് ചെയർമാൻ സ്ഥാനം ഒഴിഞ്ഞ ലീഗിലെ സി പി ഫാത്തിമക്ക് പകരം കോൺഗ്രസ്സ് പാർട്ടിയിലെ 27ആം ഡിവിഷൻ കൗൺസിലർ പദ്മശ്രീ പള്ളിവളപ്പിൽ വൈസ് ചെയർമാൻ സ്ഥാനത്തേക്ക് മത്സരിപ്പിക്കാൻ മണ്ഡലം കോൺഗ്രസ്സ് കമ്മിറ്റി യോഗം തീരുമാനിച്ചു.
നേരത്തെയുള്ള മുന്നണി ധാരണ പ്രകാരം ആദ്യ പകുതിയിൽ കോൺഗ്രസ്സ് ചെയർമാൻ, അടുത്ത പകുതിയിൽ ലീഗിന് ചെയർമാൻ പദവി എന്നതായിരുന്നു. അതുപ്രകാരം കോൺഗ്രസിലെ ഷഫീക് രാജിവെച്ചിരുന്നു. ലീഗിലെ വി കെ അബ്ദുറഹിമാൻ ആണ് ചെയർമാൻ സ്ഥാനത്ത് മത്സരിക്കുന്നത്. 21ന് ചെയർമാൻ വൈസ്ചെയർമാൻ തെരഞ്ഞെടുപ്പ് നടക്കും. സബീഷ് കുന്നങ്ങോത്ത് അദ്യക്ഷനായിരുന്നു. മഠത്തിൽ നാണു മാസ്റ്റർ, പി ബാലകൃഷ്ണൻ, പുത്തുക്കാട്ട് രാമകൃഷ്ണൻ, ഇ ടി പദ്മനാഭൻ, പി എം അഷ്‌റഫ്‌, പി എം ഹരിദാസൻ, കെ ടി സിന്ധു, പി എം മോളി, എൻ.പി രാജേഷ്, സി കെ ഷഹനാസ്, അൻവർ കായിരികണ്ടി, സനൂപ് കോമത്ത് ബാബു ടി.എം എന്നിവർ
സംസാരിച്ചു.
