പയ്യോളി: നിയന്ത്രണം വിട്ട് ലോറി പിക്കപ്പിൽ ഇടിച്ച് രണ്ടുപേർക്ക് പരിക്ക്. പിക്കപ്പ് ഡ്രൈവർമാരായ ഷിജിത്ത് കക്കോടി, അഖിലേഷ് നന്മണ്ട എന്നിവർക്കാണ് പരിക്കേറ്റത്. ഇവരെ വടകര സഹകരണ ആശുപത്രിയിൽ പ്രവേശിപ്പിച്ചു. രണ്ടുപേരുടെയും പരിക്ക് സാരമുള്ളതല്ല. ഇന്ന് പുലർച്ച് ആറുമണിയോടെ ദേശീയപാതയിൽ പയ്യോളി രണ്ടാം ഗേറ്റിന് സമീപത്താണ് അപകടം.
മംഗലാപുരത്തുനിന്ന് എറണാകുളത്തേക്ക് പോവുകയായിരുന്ന മത്സ്യം കയറ്റുന്ന ലോറി എതിർദിശയിൽ നിർത്തിയിട്ടിരുന്ന പിക്കപ്പ് വേനൽ ഇടിക്കുകയായിരുന്നു.
കോഴിക്കോട് നിന്ന് കാസർകോട്ടേക്ക് കറി പൗഡറുകൾ ഉൾപ്പെടെയുള്ള ഭക്ഷ്യവസ്തുക്കളുമായി പോവുകയായിരുന്നു പിക്കപ്പ്.
ഇവർ റോഡരികിൽ നിർത്തി പിൻ വശത്തെ ലോഡ് അടുക്കി വെക്കുന്നതിനിടെ മുൻവശത്ത് ലോറി ഇടിക്കുകയായിരുന്നു. ഭാഗ്യം കൊണ്ടാണ് ഇവർ രക്ഷപ്പെട്ടത്. പിക്കപ്പിന്റെ മുൻവശം പാടേ തകർന്നു. മത്സ്യം കയറ്റി വന്ന ലോറിയുടെ ഡ്രൈവർ ഉറങ്ങിപ്പോയതാണ് കാരണമെന്ന് പറയുന്നു. പയ്യോളി എസ് ഐ കെ വിനോദിന്റെ നേതൃത്വത്തിലുള്ള സംഘം സ്ഥലത്തെത്തി തുടർ നടപടികൾ സ്വീകരിച്ചു.
