പയ്യോളി: പയ്യോളിയില്‍ മെഗാ മെഡിക്കൽ ക്യാമ്പും കലാവിരുന്നും നടത്തി. ഒ.പി ബ്രദേഴ്സ് മമ്പറം ഗേറ്റ് അയനിക്കാടും മലബാർ മെഡിക്കൽ കേളേജ് ഉള്യേരിയും ചേർന്ന് സംഘടിപ്പിച്ച മെഗാ മെഡിക്കൽ ക്യാമ്പ് പയ്യോളി നഗരസഭ 32ആം വാർഡ് കൗൺസിലർ കെ. അനിത ഉദ്ഘാടനം ചെയ്തു. കെ.പി പ്രദീപൻ അധ്യക്ഷത വഹിച്ച പരിപാടിയിൽ എം എം സി പി ആർ ഒ രാജേന്ദ്രൻ, ടി. സജീവ്, സി.വി ബാജിത്ത് എന്നിവർ സംസാരിച്ചു.
ജീവകാരുണ്യ പ്രവർത്തകൻ സുനിൽ മുതുവനയ്ക്ക് സ്നേഹാദരവ് നൽകിയ പരിപാടിയിൽ വി.കെ. നിഥിൻ സ്വാഗതവും ടി. ജിതിൻ നന്ദിയും പറഞ്ഞു. തുടർന്ന് ഒ പി ബ്രദേഴ്സ് നേതൃത്വത്തിൽ ഉന്നത വിജയികളായ വിദ്യാർത്ഥികളെയും പൗര പ്രമുഖരെയും ആദരിച്ചു. സമാപന പരിപാടിയിൽ
മമ്പറം പ്രദേശത്തെ കലാകാരൻമാരുടെ കലാവിരുന്നും ഒപ്പം അരങ്ങേറി.
