പയ്യോളി: ജവഹർ ബാൽ മഞ്ച് പയ്യോളി ബ്ലോക്ക് ചാച്ചാജി ഗോൾഡ് മെഡൽ ചിത്രരചന മത്സരം ജില്ലാചെയർമാൻ പ്രശാന്ത് കരുവഞ്ചേരി ഉത്ഘാടനം ചെയ്തു. ‘നാനാത്വത്തിൽ ഏകത്വം’ എന്നവിഷയത്തിൽ എൽ പി, യു പി, ഹൈസ്കൂൾ, ഹയർ സെക്കന്ററി എന്നീ നാല് വിഭാഗങ്ങളിലായാണ് മത്സരം നടന്നത്. കെ പി സി സി മെമ്പർ മഠത്തിൽ നാണുമാസ്റ്റർ പ്രഭാഷണം നടത്തി.
ജവഹർ ബാലമഞ്ച് പയ്യോളി ബ്ലോക്ക് കമ്മിറ്റി സംഘടിപ്പിച്ച ചിത്രരചന മത്സരം ജില്ലാ ചീഫ് കോഡിനേറ്റർ പ്രശാന്ത് കരുവഞ്ചേരി ഉദ്ഘാടനം ചെയ്യുന്നു
ജില്ലാ കോർഡിനേറ്റർ പി എം അഷ്‌റഫ്‌ അദ്യക്ഷനായിരുന്നു. ബ്ലോക്ക് കോൺഗ്രസ്സ് കമ്മിറ്റി പ്രസിഡന്റ്‌ കെ ടി വിനോദൻ, മണ്ഡലം പ്രസിഡന്റ്‌ സബീഷ് കുന്നങ്ങോത്ത്, ബ്ലോക്ക് ചീഫ് കോർഡിനേറ്റർനിത്യ സുരേഷ്, മുജേഷ് ശാസ്ത്രി, നിഷ, എൻ എം മനോജ്‌, സനൂപ് കോമത്ത് സംസാരിച്ചു. പങ്കെടുത്ത മുഴുവൻ വിദ്യാർത്ഥികൾക്കും ഉപഹാരങ്ങൾ വിതരണം ചെയ്തു. ഷനിൽപയ്യോളി, സുധീഷ് മൂടാടി, ശ്രീജ തിക്കോടി അജ്മൽ മാടായി, സിന്ധു സതീന്ദ്രൻ നേതൃത്വം നൽകി.
