പയ്യോളി: ആരോഗ്യമുള്ള യുവതലമുറയെ വാർത്തെടുക്കുവാനും ഹൃദയങ്ങൾ തമ്മിലടുക്കാനുമായി ലോകഹൃദയ ദിനത്തിൽ ജെ സി ഐ സോൺ 21 നേതൃത്വത്തിൽ പയ്യോളി മാരത്തൺ റൺ നടത്തുന്നതായി സ്വാഗതസംഘം ഭാരവാഹികൾ പത്രസമ്മേളനത്തിൽ അറിയിച്ചു.
ആവിക്കൽ പ്രദേശത്തെ നിർധന കുടുംബത്തിന് വീട് നിർമ്മിക്കുന്നതിന് ഭാഗമായാണ് പയ്യോളി ജയ്സിസ് നേതൃത്വം ഈ പരിപാടി സംഘടിപ്പിക്കുന്നത്. 29ന് ആറുമണിക്ക് പയ്യോളി ഗവൺമെൻറ് ഹൈസ്കൂൾ മൈതാനിയിൽ നിന്നാണ് മത്സരം തുടങ്ങുക. എട്ടു കിലോമീറ്റർ ഓട്ടമത്സര ഇനവും മൂന്നു കിലോമീറ്റർ ഫൺ റണ്ണുമാണ് സംഘടിപ്പിക്കുന്നത്. ഒന്നാം സമ്മാനം 8000 രൂപയും രണ്ടാം സമ്മാനം 4000 രൂപയും മൂന്നാം സമ്മാനം 2000 രൂപയും ആണ്. പത്രസമ്മേളനത്തിൽ സോൺ പ്രസിഡൻറ് നിഷാന്ത്, സെക്രട്ടറി എം സി നിഷില്‍, ഷൈജൽ സഫാത്ത്, അജ്മല്‍ മടായി, ഡി നാസർ എന്നിവർ പങ്കെടുത്തു.
