പയ്യോളി: സേക്രഡ് ഹാർട്ട് യു.പി.സ്കൂളിൽ സ്വാതന്ത്ര്യദിനം വിപുലമായി ആഘോഷിച്ചു. പ്രധാന അധ്യാപിക സിസ്റ്റർ ഉഷ റോസ് പതാക ഉയർത്തി. അതോടൊപ്പം സ്കൂൾ പ്രവേശനകവാട ഉദ്ഘാടനവും എൽഎസ്എസ് – യുഎസ്എസ് പരീക്ഷയിൽ വിജയികളായ വിദ്യാർഥികൾക്കുള്ള അനുമോദന ചടങ്ങും സംഘടിപ്പിച്ചു. സന്യാസിനി സഭ കോപ്പറേറ്റ് മാനേജർ സിസ്റ്റർ സീമ ഉദ്ഘാടന കർമ്മം നിർവഹിച്ചു.
പ്രവേശന കവാട ഉദ്ഘാടനം
പി.ടി.എ പ്രസിഡന്റ് ശശികുമാർ അധ്യക്ഷത വഹിച്ച ചടങ്ങിന് പ്രധാന അധ്യാപിക സിസ്റ്റർ ഉഷ റോസ് സ്വാഗതം ആശംസിച്ചു. പി.ടി.എ വൈസ് പ്രസിഡന്റ് വിനോദ്, സേക്രഡ് ഹാർട്ട് പള്ളി വികാരി ഫാദർ പ്ലാസിഡ്‌ സീസർ, എം.പി.ടി.എ പ്രസിഡന്റ് അനൂപ, വൈസ് പ്രസിഡന്റ് സിമി എന്നിവർ ചടങ്ങിൽ പങ്കെടുത്തു. ചടങ്ങിന് സ്റ്റാഫ് സെക്രട്ടറി ഷജിത നന്ദി അറിയിച്ചു. ശേഷം കുട്ടികളുടെ കലാപരിപാടികളും അരങ്ങേറി.
