പയ്യോളി: ഗ്ലോബൽ കെ.എം.സി.സി തിക്കോടി മേഖല കമ്മിറ്റി സംഘടിപ്പിക്കുന്ന പ്ലസ് ടു, എസ്.എസ്.എൽ.സി വിജയികൾക്കുള്ള അനുമോദനവും മോട്ടിവേഷൻ ക്ലാസും ഓഗസ്റ്റ് 17 ന് വൈകീട്ട് 3 മണിക്ക് എം.പേക്കൂട്ടി ഹാജി നഗറിൽ (കോടിക്കൽ) എം.പി അബ്ദുസ്സമദാനി എം.പി ഉദ്ഘാടനം ചെയ്യുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. ഇന്റർനാഷണൽ സ്പീക്കറും പ്രമുഖ മോട്ടിവേറററുമായ ഡോക്ടർ സുലൈമാൻ മേൽപ്പത്തൂർ മുഖ്യ പ്രഭാഷണം നടത്തും. സ്വാഗത സംഘം ചെയർമാൻ സഹദ് പുറക്കാട് അധ്യക്ഷനായിരിക്കും. മുസ്ലീം ലീഗ് സംസ്ഥാന വൈസ് പ്രസിഡന്റ് പി.കെ.കെ.ബാവ മുഖ്യാതിഥിയായിരിക്കും.
ഗ്ലോബൽ കെ.എം.സി.സി തിക്കോടി മേഖല വാർത്താ സമ്മേളനം
മുസ്ലിം ലീഗ് ജില്ല സെക്രട്ടറി ടി.ടി ഇസ്മായിൽ, ജില്ലപഞ്ചായത്ത് മെമ്പർ ദുൽഖിഫിൽ, മൂടാടി ഗ്രാമ പഞ്ചായത്ത് പ്രസിഡണ്ട് സി.കെ ശ്രീകുമാർ, തിക്കോടി ഗ്രാമപഞ്ചായത്ത് പ്രസിഡണ്ട് ജമീല സമദ്, കൊയിലാണ്ടി മണ്ഡലം മുസ്ലിം ലീഗ് സെക്രട്ടറി സി.ഹനീഫ മാസ്റ്റർ തുടങ്ങി രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖർ പരിപാടിയിൽ പങ്കെടുക്കും. സ്വാഗത സംഘം ചെയർമാൻ സഹദ് പുറക്കാട്, കണവീനർ മന്നത്ത് മജീദ്, ട്രഷറർ അലിപുതുകുടി, പ്രോഗ്രാം കമ്മിറ്റി ഭാരവാഹികളായ ജമാൽസിദ്ര, എഫ്.എം ഷഫീർ, ഷൗക്കത്ത് കുണ്ടുകുളം, കെ.കെ ആബിദ്, സഈദ് അറഫ എന്നിവർ പത്രസമ്മേളനത്തിൽ പങ്കെടുത്തു.
