പയ്യോളി : രാജ്യത്തിന്റെ ശാസ്ത്രീയമായ വളർച്ചയുടെയും സാമൂഹ്യ പുരോഗതിയുടെയും അടിസ്ഥാനമായി പ്രവർത്തിക്കുന്നത് വിദ്യാഭ്യാസ സ്ഥാപനങ്ങളാണെന്ന് ഐ.ഇ.സി.ഐയുടെ സി.ഇ.ഒ. ഡോ: ബദീഉസ്സമാൻ അഭിപ്രായപ്പെട്ടു. പുറക്കാട് വിദ്യാസദനം എഡുക്കേഷനൽ ആൻഡ് ചാരിറ്റബിൾ ട്രസ്റ്റ് സംഘടിപ്പിച്ച ഓറിയന്റേഷൻ ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം.
‘ സ്ഥാപന നടത്തിപ്പ് എങ്ങിനെ പ്രൊഫഷണലാക്കാം ‘ എന്ന വിഷയത്തെ കുറിച്ച് എഞ്ചിനീയർ ടി.കെ.മുഹമ്മദ് റിയാസ് ക്ലാസ്സെടുത്തു. ട്രസ്റ്റ് ചെയർമാൻ യു.പി.സിദ്ദീഖ് മാസ്റ്റർ അധ്യക്ഷത വഹിച്ചു. ബഷീർ മുഹ്‌യിദ്ദീൻ, ഹബീബ് മസ് ഊദ് , ഫൈസൽ പൈങ്ങോട്ടായി , ഡോ: ശറഫുദീൻ കടമ്പോട്ട് , ഡോ: അബ്ദു റാസിഖ് എന്നിവർ സംസാരിച്ചു .
ജനറൽ സെക്രട്ടറി കെ. കെ. നാസർ സ്വാഗതവും പ്രോഗ്രാം കൺവീനർ കെ.കെ.മുനീർ നന്ദിയും പറഞ്ഞു.
