കൊയിലാണ്ടി: സമഗ്ര ശിക്ഷ കേരളം കോഴിക്കോട് , ബിആർസി പന്തലായനിയുടെ നേതൃത്വത്തിൽ പൊതു വിദ്യാലയങ്ങൾ ഉൾച്ചേർന്ന ഭിന്നശേഷിയുള്ള കിടപ്പിലായ കുട്ടികൾക്കായി ഓണാഘോഷ പരിപാടി സംഘടിപ്പിച്ചു. പ്രകൃതി മനോഹരമായ അണേല പുഴയുടെ തീരത്ത് കണ്ടൽ മ്യൂസിയത്തിൽ വച്ച് നടന്ന ഓണാഘോഷം ഉദ്ഘാടനം എംഎൽഎ കാനത്തിൽ ജമീല നിർവഹിച്ചു. മുൻസിപ്പാലിറ്റി ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ ഷിജു അധ്യക്ഷത വഹിച്ചു . കോഴിക്കോട് ജില്ല പ്രൊജക്റ്റ് കോഓഡിനേറ്റർ ഡോക്ടർ എ കെ അബ്ദുൾ ഹക്കീം മുഖ്യാതിഥിയായി. പന്തലായനി ബി പി സി , ഉണ്ണികൃഷ്ണൻ സ. മുൻസിപ്പാലിറ്റി ചെയർപേഴ്സൺ സുധാ കിഴക്കേ പാട്ട് സമ്മാനദാനം നിർവഹിച്ചു .
പ്രശസ്ത സിനിമാ സംഗീത സംവിധായകനും, ഗായകനുമായ എം എസ് ദിലീപ് ആശംസകൾ അർപ്പിച്ചു സംസാരിച്ചു .സ്പെഷ്യൽ എഡ്യൂക്കേറ്റർ സിൽജ ബി സംസാരിച്ചു. തീവ്ര പരിമിതി അനുഭവിക്കുന്ന കുട്ടികളും രക്ഷിതാക്കളും പങ്കെടുത്ത ഓണാഘോഷ പരിപാടിയിൽ രുചികരമായ സദ്യയും സംഗീത വിരുന്നും ഓണക്കളികളും കലാപരിപാടികളും നടത്തി.
