കൊയിലാണ്ടി: മേൽപ്പാലത്തിന് സമീപം വയോധികനെ ട്രെയിൻ ഇടിച്ച നിലയിൽ കണ്ടെത്തി. വൈകീട്ട് 6.15 ഓടെയാണ് സംഭവം. മേൽപ്പാലത്തിന് താഴെ റെയിൽവേ ട്രാക്കിന് അടുത്താണ് വയോധികനെ ട്രെയിൻതട്ടി പരിക്കേറ്റ നിലയിൽ കണ്ടത്. തലയ്ക്കാണ് പരിക്കേറ്റത്.
എഴുപത് വയസ്സോളം പ്രായം തോന്നിക്കുന്നുണ്ട്. കോഴിക്കോട് ഭാഗത്തേയ്ക്ക് പോവുകയായിരുന്ന ട്രെയിനാണ് ഇടിച്ചത് . റെയിൽപാളം മുറിച്ചുകടക്കുമ്പോൾ ട്രെയിനിടിക്കുകയായിരുന്നെന്നാണ് ലഭിക്കുന്ന വിവരം, പരിക്കേറ്റ വയോധികനെ ഫയർഫോഴ്‌സും പോലീസും സ്ഥലത്തെത്തി കൊയിലാണ്ടി താലൂക്ക് ആശുപത്രിയിൽ പ്രാഥമിക ചികിത്സ നൽകിയ ശേഷം കോഴിക്കോട് മെഡിക്കൽ കോളേജിലേയ്ക്ക് മാറ്റി
