കോഴിക്കോട്: പിണറായി കേരളത്തിലുടനീളം നവ മാഫിയ സദസ്സാണ് നടത്തുന്നതന്ന് ആർ എസ് പി സംസ്ഥാന സെക്രട്ടറി ഷിബു ബേബി ജോൺ . ആർ എസ് പി മലബാർ മേഖല കൺവെൻഷൺ കോഴിക്കോട് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പിണറായിക്കെതിരെ പ്രതിപക്ഷത്തിനെ വലിയ പ്രക്ഷോഭമാണ് കേരളം ആഗ്രഹിക്കുന്നതെന്നും അദ്ദേഹം പറഞ്ഞു. കേരളത്തിലെ ഗുണ്ടകളെ നവകേരള ടീ ഷർട്ട് ധരിച്ച് കൂടെ കൂട്ടി യാത്രചെയ്യുന്ന മുഖ്യമന്ത്രിയുടെ ഭരണത്തിൽ കേരളത്തിന്റെ സമാധാനം ജീവിതം തകർന്നെന്ന് ആർ എസ് പി കേന്ദ്ര സെക്രട്ടറിയേറ്റംഗം എൻ കെ പ്രേമചന്ദ്രൻ എം പി അഭിപ്രായപ്പെട്ടു.
മലബാർ മേഖല കൺവൻഷനിൽ മുഖ്യപ്രഭാഷണം നടത്തുകയായിരുന്നു എൻ.കെ പ്രേമചന്ദ്രൻ . ആർ എസ് പി കേന്ദ്ര കമിറ്റിയംഗം ഹരീഷ് പി നമ്പ്യാർ അധ്യക്ഷത വഹിച്ച യോഗത്തിൽ സംസ്ഥാന സെക്രട്ടറിയേറ്റ് അംഗങ്ങളായ ശ്രീകുമാരൻനായർ , കെ സനൽകുമാർ ,എടവനശേരി സുരേന്ദ്രൻ ,എം എസ് ഷൗക്കത്ത് , കുരീപ്പുഴ മോഹനൻ , സജി ഡി ആനന്ദ്, കരുവള്ളൂർ വിജയൻ , അഡ്വ വിഷ്ണുമോഹനൻ ,ഉല്ലാസ് കോവൂർ, വി മോഹനൻ , ഇ കെ മുഹമ്മദ് റഫീഖ്, അഡ്വ. എ കെ ഷിബു , പ്രവീൺ തങ്കപ്പൻ , എൻ കെ ഉണ്ണികൃഷ്ണൻ ,വിൽസൺ ജോൺ എന്നിവർ സംസാരിച്ചു.
