പയ്യോളി : സി.പി.ഐ കൊയിലാണ്ടി, പയ്യോളി ഏരിയ കമ്മിറ്റി അംഗവും മൂടാടി ലോക്കൽ സെക്രട്ടറിയും ട്രേഡ് യൂണിയൻ നേതാവുമായിരുന്ന സഖാവ് കെ.വി.രാഘവന്റെ ഒന്നാം ചരമവാർഷികാചരണത്തോടനുബന്ധിച്ച് നന്തി ടൗണിൽ അനുസ്മരണ പൊതുയോഗം നടന്നു. മൂടാടി-നന്തി പ്രദേശങ്ങളിൽ കമ്മ്യൂണിസ്റ്റ് പ്രസ്ഥാനം കെട്ടിപ്പടുക്കുന്നതിൽ പ്രധാന പങ്കുവഹിച്ച നേതാവായിരുന്നു അദ്ദേഹം. ചരമവാർഷികാചരണത്തോടനുബന്ധിച്ച് നന്തി ടൗണിൽ നടന്ന അനുസ്മരണ പൊതുയോഗം സിപിഐ എം ജില്ലാ കമ്മിറ്റി അംഗവും, പയ്യോളി ഏരിയ സെക്രട്ടറിയുമായ സ:എം.പി.ഷിബു ഉദ്ഘാടനം ചെയ്തു. ലോക്കൽ സെക്രട്ടറി സ:എ.കെ.ഷൈജു അധ്യക്ഷനായി. സ:ജംഷീദ് അലി മലപ്പുറം മുഖ്യ പ്രഭാഷണം നടത്തി. ഏരിയ കമ്മറ്റി അംഗം സ:കെ.ജീവാനന്ദൻ അനുസ്മരണ പ്രമേയം അവതരിപ്പിച്ചു. ജില്ലാ കമ്മറ്റി അംഗം സ:ഡി.ദീപ, ഏരിയ കമ്മറ്റി അംഗം സ:സി.കെ.ശ്രീകുമാർ എന്നിവർ സംസാരിച്ചു. പി.എം.ശ്രീലത സ്വാഗതവും കെ.കെ.രാജേന്ദ്രൻ നന്ദിയും പറഞ്ഞു. ബാലസംഘം പള്ളിക്കര മേഖല കൂട്ടുകാർ അവതരിപ്പിച്ച “ചെങ്കൊടി പാറിയ വഴികളിലൂടെ ഒരു സംഗീത യാത്ര” എന്ന സംഗീത ശിൽപ്പവും അരങ്ങേറി.