തുറയൂർ: ജെംസ് എ എല്‍ പി സ്കൂൾ അധ്യാപക ദിനത്തിൽ സ്കൂളിൽ ദീർഘകാലം സേവനമനുഷ്ഠിച്ച് വിരമിച്ച മൊയ്തീൻ മാഷിനെ ആദരിച്ചു. ചടങ്ങിൽ പി ടി എ പ്രസിഡന്റ് മൊയ്തീൻ പെരിങ്ങാട്ട് പൊന്നാട അണിയിക്കുകയും പ്രധാന അദ്ധ്യാപിക ശ്രീജ ടീച്ചർ മൊമന്റോ നൽകുകയും ചെയ്തു. സ്കൂളിൽ കുട്ടികൾ സ്വയം അധ്യാപകരായി ക്ലാസെടുത്തു. കുട്ടികളെ പഠിപ്പിക്കുന്നതിലും അവരോട് ചോദ്യം ചോദിക്കുന്നതിലും അവരെ നോട്ട് എഴുതിക്കുന്നതിലും കുട്ടി ടീച്ചർമാർ കാണിച്ച മിടുക്ക് എല്ലാവരെയും ആകർഷിച്ചു. യഥാർത്ഥ ടീച്ചർമാരുടെ വേഷവിധാനങ്ങളോടെ സ്കൂളിലെത്തിയ കുട്ടി ടീച്ചർമാർ എല്ലാവർക്കും കൗതുകമായി.
