പയ്യോളി: നവവധു പയ്യോളിയിലെ ഭർതൃവീട്ടിൽ തൂങ്ങിമരിച്ച നിലയില്‍. കൊയിലാണ്ടി ചേലിയ കല്ലുവെട്ടുകുഴി ആർദ്ര ബാലകൃഷ്‌ണനാണ് (25) മരിച്ചത്. ഇന്നലെ രാത്രി എട്ട് മണിക്കും ഒന്‍പത് മണിക്കുമിടയില്‍ പയ്യോളിയിലെ ഭര്‍തൃവീട്ടിലാണ് സംഭവം. ഭർത്താവ് ഷാൻൻ്റെ പയ്യോളിയിലെ മൂന്ന് കുണ്ടൻചാലിൽ കേശവ് നിവാസ് വീട്ടിലെ കുളിമുറിയില്‍ തൂങ്ങിയ നിലയിൽ കണ്ടെത്തുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.  ഫെബ്രുവരി 2 ന് ആയിരുന്നു ഇവരുടെ വിവാഹം. കൊയിലാണ്ടി താലൂക്ക് ആശുപത്രിയിൽ എത്തിച്ച ശേഷം പോലീസ് സ്ഥലത്തെത്തി മൃതദേഹം കോഴിക്കോട് മെഡിക്കൽ കോളേജിലേയ്ക്ക് മാറ്റി. അച്ഛൻ: ബാലകൃഷ്‌ണൻ. അമ്മ: ഷീന.സഹോദരി: ആര്യ