​കൊയിലാണ്ടി: കൊയിലാണ്ടി റൊട്ടറി ക്ലബ്ബിന്റെ ഇൻഡക്ഷൻ സെറിമണിയും പുതിയ ജീവകാരുണ്യ പദ്ധതികളുടെ ഉദ്ഘാടനവും സംഘടിപ്പിച്ചു. റൊട്ടറി ഡിസ്ട്രിക്റ്റ് സെക്രട്ടറി അഡ്വ. അച്യുതൻ വെങ്ങാലിൽ പരിപാടി ഉദ്ഘാടനം ചെയ്തു.

AG ഡോ. അബ്ദുൾ ഗഫൂർ പുതിയ അംഗങ്ങൾക്ക് സത്യവാചകം ചൊല്ലിക്കൊടുത്തു. ചടങ്ങിൽ 7 പുതിയ അംഗങ്ങളെ റൊട്ടറി കുടുംബത്തിലേക്ക് സ്വാഗതം ചെയ്തു.

​സാമൂഹിക സേവന പദ്ധതികളുടെ ഭാഗമായി പന്തലായിനി ഗവ. വൊക്കേഷണൽ ഹയർ സെക്കൻഡറി സ്കൂളിലേക്ക് സാനിറ്ററി നാപ്കിൻ വെൻഡിംഗ് മെഷീനും, കൊല്ലം യു.പി സ്കൂളിലെ ക്ലാസ് മുറികളിലേക്ക് സ്പീക്കർ സംവിധാനവും നൽകുന്ന പുതിയ പദ്ധതികൾ ചടങ്ങിൽ ഉദ്ഘാടനം ചെയ്തു.

​റൊട്ടറി ക്ലബ് പ്രസിഡന്റ് ആർ.ടി.എൻ (Rtn) ചന്ദ്രശേഖരൻ അധ്യക്ഷത വഹിച്ച ചടങ്ങിൽ ഡി.ഡി.സി സന്തോഷ് സ്‌കറിയ, കേണൽ അരവിന്ദാക്ഷൻ തുടങ്ങിയവർ സംസാരിച്ചു. സെക്രട്ടറി വിനോദ് കുമാർ നന്ദി രേഖപ്പെടുത്തി. കൊയിലാണ്ടി റൊട്ടറി ക്ലബ്ബിലെ അംഗങ്ങളും കുടുംബാംഗങ്ങളും ചടങ്ങിൽ പങ്കെടുത്തു.