കൊയിലാണ്ടി: കൊയിലാണ്ടി മിനി സിവിൽ സ്റ്റേഷൻ കോംപൗണ്ടിലെ കൂറ്റൻ മതിൽ ഇടിഞ്ഞു വീണു. കൊയിലാണ്ടി സിവിൽ സ്റ്റേഷൻ കോപൗണ്ടിലെ മേജർ ഇറിഗേഷൻ ഓഫീസിൻ്റെ ചുറ്റുമതിലാണ് തകർന്നത്. ഇത് യാത്രക്കാർക്ക് ഭീഷണിയായിരിക്കുകയാണ്. ഏത് സമയവും ബാക്കിയുള്ള ഭാഗം വീഴാൻ പാകത്തിലാണുള്ളത്.
കഴിഞ്ഞ ദിവസം അവിടത്തെ തന്നെ കൂറ്റൻ മരവും കാറ്റിൽ വൈദ്യുതി ലൈനിലെക്ക് വീണിരുന്നു. ഇത് കെ.എസ്.ഇ.ബി അധികൃതർ താൽകാലികമായി വെട്ടിമാറ്റിയിരുന്നു. മതിൽ തകർന്നത് സമീപത്തെ വീട്ടുകാർ അത് വഴി പോകുന്ന വിദ്യാർത്ഥികൾക്കും ഭീഷണിയായതോടെ കൊയിലാണ്ടി താലൂക്ക് തഹസിൽദാർ സി.പി.മണി സംഭവസ്ഥലം സന്ദർശിച്ച്‌ ചുറ്റുമതിൽ കെട്ടി സംരക്ഷിക്കാൻ മേജർ ഇറിഗേഷൻ വകുപ്പിന് നിർദ്ദേശം നൽകി.
