തിരുവനന്തപുരം > ആരോഗ്യം അനുവദിച്ചാൽ കോൺഗ്രസിനു വേണ്ടി പത്തനംതിട്ടയിൽ പ്രചാരണത്തിനെത്തുമെന്ന്‌ മുതിർന്ന കോൺഗ്രസ്‌ നേതാവ്‌ എ കെ ആന്റണി. കഴിഞ്ഞ തെരഞ്ഞെടുപ്പിൽ തിരുവനന്തപുരം കേന്ദ്രീകരിച്ചാണ്‌ പ്രവർത്തിച്ചത്‌. ആരോഗ്യം അനുവദിക്കുംപോലെ തിരുവനന്തപുരത്തെ സ്ഥലങ്ങളിൽ പ്രചാരണത്തിനു പോകും. കോൺഗ്രസിനിത്‌ ജീവന്മരണ തെരഞ്ഞെടുപ്പാണ്‌. ഭരണഘടന സംരക്ഷിക്കാൻ മോദിയെ അധികാരത്തിൽനിന്ന്‌ താഴെയിറക്കേണ്ടത്‌ അനിവാര്യമാണെന്നും മാധ്യമങ്ങളോട്‌ സംസാരിക്കവെ അദ്ദേഹം പറഞ്ഞു.
