ചിങ്ങപുരം: ചിങ്ങപുരം ശ്രീ കൊങ്ങന്നൂർ ഭഗവതീ ക്ഷേത്രത്തിൽ ഇന്ന് മുതൽ 21 വരെ ദിവസങ്ങളിൽ ദേവീ ഭാഗവത നവാഹയജ്ഞം യജ്ഞാചാര്യൻ ബ്രഹ്മശ്രീ ആലച്ചേരി ഹരികൃഷ്ണൻ നമ്പൂതിരിയുടെ കാർമ്മികത്വത്തിൽ നടത്തുന്നു.
ദേവീ ഭാഗവതം ഒൻപത് ദിവസം കൊണ്ട് പരായണം ചെയ്യുന്നതും ശ്രവിക്കുന്നതും പുണ്യഫലപ്രദമാണെന്ന് മഹാത്മ്യത്തിൽ വിശദീകരിക്കുന്നുണ്ട്. യജ്ഞത്തോടനുബന്ധിച്ച് കലവറ നിറക്കൽ ചടങ്ങും ഗണപതി ഹോമം, ലളിത സഹസ്രനാമം, കുമാരി പൂജ, ദമ്പതി പൂജ, ദേവീ സൂക്ത ജപം എന്നിവയും നടത്തപ്പെടുന്നു. മുഴുവൻ ഭക്തരും പങ്കെടുക്കണമെന്നും എല്ലാ ഒരുക്കങ്ങളും പൂർത്തീകരിച്ചെന്നും നവാഹ കമ്മറ്റി ഭാരാവാഹികൾ അറിയിച്ചു.
