കൊയിലാണ്ടി: ജുമഅത്ത് പള്ളിയിലെ മിന്‍ഹാജുല്‍ ജന്ന ദര്‍സ് വിദ്യാര്‍ത്ഥികള്‍ സംഘടിപ്പിക്കുന്ന സമസ്ത ട്രഷററും മുശവറ മെമ്പറുമായ ശൈഖുനാ പാറന്നൂര്‍ ഉസ്താദ് പതിനൊന്നാം അനുസ്മരണത്തിന് കൊയിലാണ്ടിയില്‍ തുടക്കമായി. സയ്യിദ് അലി ബാഫഖി തങ്ങള്‍ കൊടിയുയര്‍ത്തി. ഇമാം അബ്ബാസ് സൈനി, എം എ ഹാഷിം, ആര്‍.എം ഇല്യാസ് സംബന്ധിച്ചു.
ശൈഖുനാ പാറന്നൂര്‍ ഉസ്താദ് അനുസ്മരണത്തിന് തുടക്കം കുറിച്ച് സയ്യിദ് അലി ബാഫഖി തങ്ങള്‍ കൊടിയുര്‍ത്തുന്നു.
നാളെ രാവിലെ 10ന് ചീക്കാപള്ളി പരിസരത്ത് നടക്കുന്ന മെഡിക്കല്‍ ക്യാമ്പ് പൊലീസ് സബ്ബ് ഇന്‍സ്‌പെക്ടര്‍ കെ. പി ഗിരീഷ് ഉദ്ഘാടനം ചെയ്യും. ജില്ലാ മുസ് ലിം ലീഗ് പ്രസിഡണ്ട് എം. എ റസാഖ് മാസ്റ്റര്‍ മുഖ്യാതിഥിയാവും. ഞായറാഴ്ച വൈകീട്ട് 7 മുതല്‍ ബദ്‌രിയ്യ കാമ്പസില്‍ നടക്കുന്ന സമാപന പരിപാടിയില്‍ പാണക്കാട് സയ്യിദ് ഹമീദലി ശിഹാബ് തങ്ങള്‍, എ.വി അബ്ദുറഹിമാന്‍ മുസ്‌ലിയാര്‍, പാണക്കാട് സയ്യിദ് അബുറഷീദലി ശിഹാബ് തങ്ങള്‍, സയ്യിദ് ഹാഫിള് ഹുസൈന്‍ ബാഫഖി തങ്ങള്‍ സംബന്ധിക്കും.
