പയ്യോളി: കേരള സ്റ്റേറ്റ് സുന്നി സ്റ്റുഡന്റ്സ് ഫെഡറേഷൻ (എസ്.എസ്.എഫ്) പയ്യോളി സെക്ടർ 2024-26 വർഷത്തേക്കുള്ള പുതിയ നേതൃത്വം നിലവിൽ വന്നു. തെരഞ്ഞെടുപ്പ് യോഗത്തിൽ കോഴിക്കോട് ജില്ലാ സെക്രട്ടറി സ്വാദിഖ് അഹ്സനി ക്ലാസ്സിന് നേതൃത്വം നൽകി. ഡിവിഷൻ ജനറൽ സെക്രട്ടറി സഅദ് സഖാഫിയും സെക്രട്ടറി മുഹമ്മദ് റാസിയും കൗൺസിൽ നടപടികൾ നിയന്ത്രിച്ചു. ഹാഫിള് ഹാത്വിബ് ഹുസൈൻ യോഗത്തിന് അധ്യക്ഷനായി.
മുഹമ്മദ് ഇർഷാദ് കോട്ടക്കൽ പ്രസിഡൻ്റായും മിഷാൽ കീഴൂർ ജനറൽ സെക്രട്ടറിയായും റാഫിദ് കൊവ്വപ്പുറം ഫിനാൻസ് സെക്രട്ടറിയായും തിരഞ്ഞെടുത്തു. മുഹ്സിൻ പയ്യോളി, മുഹമ്മദ് സ്വാലിഹ്, ഹാഫിള് തൻവീർ, മുഹമ്മദ് ത്വയ്യിബ്, മിസ്ഹബ് കീഴൂർ, ഹാഫിള് ആമിർ സബീൽ എന്നിവരെ സെക്രട്ടറിമാരായും മുഹമ്മദ് നാഫിഹ് ഖാദിരി, ഹാഫിള് ഹാത്വിബ് ഹുസൈൻ എന്നിവരെ സെക്രട്ടറിയേറ്റ് അംഗമായും തിരഞ്ഞെടുത്തു. അജ്മൽ സുഹ് രി, ഷബീബ് കൊവ്വപ്പുറം, ജാസിൽ കൊവ്വപ്പുറം എന്നിവർ സംസാരിച്ചു.
