പയ്യോളി: പുറക്കാട് അമർജ്യോതി സിആർപിഎഫ് കൂട്ടായ്മ ഓണാഘോഷവും കുടുംബ സംഗമവും നടത്തി. അമർജ്യേതി കൂട്ടായ്മയുടെപ്രസിഡൻറ് സിആർപിഎഫ് അസിസ്റ്റൻറ് കമാൻഡൻറ് ബിപി മധുസൂദനൻ ഉദ്ഘാടനം ചെയ്തു. അകലാപ്പുഴ , ലേക്ക് വ്യൂ പാലസ് , പുറക്കാട് മൂടാടിയിൽ വച്ച് നടന്ന പരിപാടിയിൽ അമർജ്യോതി സിആർപിഎഫ് ഗ്രൂപ്പ് സെക്രട്ടറി ടി. ഉണ്ണികൃഷ്ണൻ അധ്യക്ഷനായി. അകാലത്തിൽ വിട്ടുപിരിഞ്ഞ ഇൻസ്പെക്ടർ മൻസൂറിന്റെയും ഹവിൽദാർ രാഹുൽ രാജിന്റെയും ഫോട്ടോയ്ക്ക് മുൻപിൽ പുഷ്പാർച്ചന നടത്തിയും ഭദ്രദീപം തെളിയിച്ചുo കുടുംബ സംഗമത്തിന് തുടക്കം കുറിച്ചു.
ഈ വർഷം സിആർപിഎഫിൽ നിന്നും സർവീസ് പൂർത്തീകരിച്ചവരെ കൂട്ടായ്മ ആദരിച്ചു. കലാകായികം തുടങ്ങിയ രംഗങ്ങളിൽ വിജയവും പ്രശസ്തിയും നേടിയ അമർജ്യോതി കൂട്ടായ്മയിലെ അംഗങ്ങളുടെ മക്കളെ ചടങ്ങിൽ വെച്ച് അനുമോദിച്ചു. തുടർന്ന് വിവിധ കലാപരിപാടികളും ഓണസദ്യയും ബോട്ട് യാത്രയും ഉണ്ടായിരുന്നു. അമർജ്യോതി ട്രഷറർ ബിജേഷ് , ജോയിന്റ് സെക്രട്ടറി സുനിൽ പി, അഡ്മിൻ പാനൽ അംഗങ്ങൾ സുധീഷ് കുമാർ പയ്യോളി, സുധാകരൻ അന്നശ്ശേരി, രജീഷ് മുചുകുന്ന്,അജീഷ് വടകര എന്നിവർ നേതൃത്വം നൽകി. ഷീബ വിജയൻ നന്ദി പ്രകാശനം നടത്തി.
