കൊയിലാണ്ടി: കൊയിലാണ്ടിയിൽ എഴുത്ത് ലോട്ടറി ചൂതാട്ടത്തിൽ മൂന്നു പേർ പിടിയിൽ, മുചുകുന്ന് കിഴക്കെ പറമ്പിൽ ബാലകൃഷ്ണൻ (65), മുചുകുന്ന് പുതുശ്ശേരിക്കണ്ടി മോഹനൻ (65), മുചുകുന്ന് വടക്കേകുന്നുമ്മൽ ശശിധരൻ (62) എന്നിവരാണ് പിടിയിലായത്. ബാലകൃഷ്ണനെ കൊയിലാണ്ടിയിൽ വെച്ചും, മറ്റുള്ളവരെ കൊടക്കാട്ടു മുറിയിൽ വെച്ചുമാണ് പിടികൂടിയത്. ഇവരിൽ നിന്നും 22,200 രൂപയും പിടിച്ചെടുത്തിട്ടുണ്ട്. കൊയിലാണ്ടി എസ്.ഐ അനീഷ്, ശൈലേഷ്, സീനിയർ സിവിൽ പോലീസ് ഓഫീസർ നിശാന്ത്, എസ്.സി.പി. ഒ.ഡ്രൈവർ സുരേഷ് തുടങ്ങിയവരുടെ നേതൃത്വത്തിലായിരുന്നു റെയ്ഡ്.
