പയ്യോളി : പയ്യോളി മണ്ഡലം കോൺഗ്രസ് കമ്മിറ്റി നിർമ്മിച്ച മണ്ഡലം കോൺഗ്രസ്സ് കമ്മിറ്റി ഓഫീസ് ഉദ്ഘാടനം നാളെ വൈകുന്നേരം അഞ്ചുമണിക്ക് പ്രതിപക്ഷ നേതാവ് വി ഡി സതീശൻ നിർവ്വഹിക്കും. രാജീവ് ഗാന്ധി ഓഡിറ്റോറിയത്തിന്റെ ഉദ്ഘാടനം കെ മുരളീധരൻ എംപിയും നേതാക്കളുടെ ഫോട്ടോ അനാഛാദനം കെ പി സി സി വൈസ് പ്രസിഡണ്ട് അഡ്വ ടി സിദ്ദിഖ് എംഎൽഎയും കമ്പ്യൂട്ടർ സ്വിച്ച് ഓൺ കർമ്മം ഡിസിസി പ്രസിഡൻറ് കെ പ്രവീൺകുമാറും നിർവഹിക്കും.
മുൻ കെ.പി. പി.സി. ജനറൽ സെക്രട്ടറി എൻ സുബ്രഹ്മണ്യൻ , മുൻ ഡിസിസി പ്രസിഡന്റ് കെ.സി അബു ,കെ.പി. സി സി മെമ്പർ മഠത്തിൽ നാണു മാസ്റ്റർ തുടങ്ങിയ നേതാക്കൾ സംസാരിക്കും. നാഷണൽ ഹൈവേയിൽ പോലീസ് സ്റ്റേഷന് മുമ്പ് മുൻവശം സുബ ഹോസ്പിറ്റലിൽ സമീപത്താണ് മണ്ഡലം കോൺഗ്രസ് കമ്മിറ്റി ഓഫിസ് . പത്രസമ്മേളനത്തിൽ മണ്ഡലം പ്രസിഡണ്ട് സബീഷ് കുന്നങ്ങോത്ത് വൈസ് പ്രസിഡണ്ട് മാരായ പി എം അഷറഫ് കെ.വി സതീശൻ മണ്ഡലം സെക്രട്ടറിമാരായ ടി എം ബാബു കായിരികണ്ടി അൻവർ എന്നിവർ സംബന്ധിച്ചു
