വടകര : റെയില്‍വെ ട്രാക്കിൽ യുവാവിനെ മരിച്ച നിലയിൽ കണ്ടെത്തി. വടകര കരിമ്പനപ്പാലത്ത് ഇന്ന് രാവിലെയാണ് മൃതദേഹം കണ്ടെത്തിയത്. കടവത്തൂര്‍ സ്വദേശി അമേഖ് (23) ആണ് മരിച്ചത്.ട്രെയിനിൽ നിന്ന് വീണ് മരിച്ചതാണെന്നാണ് പ്രാഥമിക നിഗമനം. യുവാവിന്‍റെ പോക്കറ്റിൽ നിന്ന് ട്രെയിൻ ടിക്കറ്റ് കണ്ടെടുത്തു. മാഹിയിൽ നിന്നും ആലുവയിലേക്കുള്ള ടിക്കറ്റ് പോക്കറ്റിലുണ്ട്. 9 .15 ഓടെ ആക്രി പെറുക്കുന്ന ആളാണ് മൃതദേഹം ട്രാക്കി നരികിൽ കാണുന്നത്. വടകര പോലീസും റെയിൽവെ പോലീസും സ്ഥലത്ത് എത്തി. മൃതദേഹം വടകര ജില്ല ആശുപത്രി മോർച്ചറിയിലേക്ക് മാറ്റും.
