ചിങ്ങപുരം: കിടപ്പു രോഗികൾക്കായി വന്മുകം-എളമ്പിലാട് എം.എൽ.പി.സ്കൂൾ വിദ്യാർത്ഥികൾ സമാഹരിച്ച തുക അടങ്ങിയ ‘സ്നേഹനിധി’ ക്രിസ്മസ് ആഘോഷ ചടങ്ങിനിടെ പയ്യോളി ശാന്തി പാലിയേറ്റീവ് കെയറിന് കൈമാറി.
വന്മുകം-എളമ്പിലാട് സ്കൂൾ വിദ്യാർത്ഥികൾ സമാഹരിച്ച സ്നേഹനിധി ശാന്തി പാലിയേറ്റീവ് കെയറിന് കൈമാറുന്നു.
പ്രധാനാധ്യാപിക എൻ.ടി.കെ.സീനത്ത് ശാന്തി പാലിയേറ്റീവ് വളണ്ടിയർ ഇ.സതീദേവിക്ക് സ്നേഹനിധി സമ്മാനിച്ചു. എസ്.ആർ.ജി.കൺവീനർ പി.കെ.അബ്ദുറഹ്മാൻ അധ്യക്ഷത വഹിച്ചു. ശാന്തി വളണ്ടിയർ ഹംസ കാട്ടുകണ്ടിയുടെ നേതൃത്വത്തിൽ മാജിക് ഷോയും അരങ്ങേറി.
സ്കൂൾ ലീഡർ മുഹമ്മദ് റയ്ഹാൻ, വി.ടി. ഐശ്വര്യ, സി.ഖൈറുന്നിസാബി, പി.നൂറുൽ ഫിദ, ടി.പി. ജസ മറിയം, എൻ.പി.സായൂജ് ലാൽ എന്നിവർ പ്രസംഗിച്ചു.
