നന്തി ബസാർ: പാലൂർ പ്രദേശത്തെ വീടുകളുടെ അകത്തളങ്ങളിൽ കഴിയുന്നവർക്ക് മാനസികോല്ലാസം നൽകുന്നതിനായി വൈവിധ്യമാർന്ന കലാപരിപാടികൾ കോർത്തിണക്കി കൊണ്ട് പ്രദേശത്തെ സാംസ്കാരിക സംഘടനയായ മൈകൊയുടെ ആഭിമുഖ്യത്തിൽ ഒരുക്കിയ ” വാർദ്ധക്യം അഭിമാനമാണ് അവഗണനയല്ല ” പരിപാടി സംഘടിപ്പിച്ചു. 80 വയസ് പിന്നിട്ട 35 പേരെ യോഗത്തിൽ അനുമോദിച്ചു. നാടൻ പാട്ട്, പരിചമുട്ട്, കോൽക്കളി , മാപ്പിളപ്പാട്ട് തുടങ്ങിയ പരിപാടികൾ നടത്തി.
പരിപാടി പുതുക്കുടി അബ്ദുഹാജി ഉൽഘാടനം ചെയ്തു. കെ.പി.കരീം അധ്യക്ഷനായി. തിക്കോടി ഗ്രാമപഞ്ചായത്ത് വിദ്യാഭ്യാസ സ്റ്റാന്റിങ് കമ്മറ്റി ചെയർപേർസൺ കെ.പി. ഷക്കീല, മൂടാടി ഗ്രാമപഞ്ചായത്ത് മെമ്പർ പി. ഇൻഷിദ, പി.കെ. ഹുസൈൻഹജി കെ. അബൂബക്കർ ഹാജി സംസാരിച്ചു.
