കൊയിലാണ്ടി: കാരയാട് തണ്ടയിൽതാഴ കഴിഞ്ഞ ദിവസം ചങ്ങരംവെള്ളിയിൽ അന്തരിച്ച വാവള്ളാട്ട് അഷ്‌റഫിന്റെ ഓർമ്മക്കായി തണ്ടയിൽതാഴ ‘ഓർമ്മമരം’ എന്നപേരിൽ പേരാൽ നട്ടു. സമൃദ്ധി സ്വയംസഹായ സംഘം സംഘടിപ്പിച്ച ചടങ്ങ് പഞ്ചായത്തംഗം എ കെ ശാന്ത പേരാൽ നട്ട് ഉദ്ഘാടനം ചെയ്തു.
സംഘം പ്രസിഡന്റ്‌ പി ടി വിശ്വനാഥൻ അധ്യക്ഷത വഹിച്ചു. യു പി ശിവാനന്ദൻ സ്വാഗതവും ടി സുരേന്ദ്രൻ നന്ദിയും പറഞ്ഞു. അഷ്‌റഫിന്റെ കുടുബംഗങ്ങൾ, സുഹൃത്തുക്കൾ എന്നിവർ ചടങ്ങിൽ സംബന്ധിച്ചു.
