കൊയിലാണ്ടി: എ ഐ വൈ എഫ് നിർമ്മിച്ച് നൽകുന്ന 10 വീട് പദ്ധതിയുടെ ധനശേഖരണാർത്ഥം കൊയിലാണ്ടി എ ഐ വൈ എഫ് മണ്ഡലം കമ്മറ്റി സംഘടിപ്പിക്കുന്ന ‘ബുള്ളറ്റ് ചലഞ്ച്’ ആദ്യ ടോക്കൺ സി. പി ഐ സംസ്ഥാന കമ്മറ്റി അംഗം എം നാരായണൻ മാസ്ററർ തിക്കോടി ഗ്രാമപഞ്ചായത്ത് മെമ്പർ ദിബിഷ എം ന് നൽകി ഉൽഘാടനം ചെയ്തു.
ബിരിയാണി ചലഞ്ച് സി.പി ഐ മണ്ഡലം കമ്മറ്റി അംഗം എൻ ശ്രീധരൻ എ ഐ വൈ എഫ് മണ്ഡലം കമ്മറ്റി അംഗം ദിവ്യ ശെൽവരാജിന് നൽകി ഉൽഘാടനം ചെയ്തു. നന്തി ബസാറിൽ നടന്ന ചടങ്ങിൽ എ ഐ വൈ എഫ് മണ്ഡലം സെക്രട്ടറി നിഖിൽ എം അദ്ധ്യക്ഷത വഹിച്ചു. കല്ല്യാണി ടീച്ചർ , വിശ്വൻ പള്ളിക്കര ബ്രാഞ്ച് സെക്രട്ടറി മനോജ് തില്ലേരി എന്നിവർ സംസാരിച്ചു മണ്ഡലം പ്രസിഡണ്ട് അശ്വതി ബാലകൃഷ്ണൻ സ്വാഗതം പറഞ്ഞ യോഗത്തിൽ രമ്യ എടവന നന്ദി പറഞ്ഞു.
