പയ്യോളി : സാമൂഹിക സേവന രംഗത്ത് മാതൃകപരമായ പ്രവർത്തനങ്ങള്‍ കാഴ്ചവച്ചിട്ടുള്ള ലയൺസ് ക്ലബ് കൃത്രിമ കാൽ സൗജന്യമായി നിർമ്മിച്ച് നൽകുന്നു. മാഹി ഉൾപ്പെടെ കണ്ണൂർ, കാസർകോട് ,കോഴിക്കോട്, വയനാട് ജില്ലകൾ സേവന മേഖലയായി പ്രവർത്തിക്കുന്ന ലയൺസ് ക്ലബ്സ് ഇൻറർനാഷണൽ ഡിസ്ട്രിക്ട് 318ഇയുടെ ആഭിമുഖ്യത്തിൽ ജന്മനാ അംഗഹീനരായവർ , അപകടങ്ങൾ , പ്രമേഹം എന്നിവ മൂലം കാലുകൾ നഷ്ടപ്പെട്ടവർക്ക് സൗജന്യമായി കൃത്രിമ കാൽ നിർമ്മിച്ചു നൽകുന്ന ക്യാമ്പ് കാലിക്കറ്റ് സിൽവർ ഹിൽസ് കോഴിക്കോട് രാജീവ് നഗറിലെ ലയൺസ് ഹാളിലാണ് നടക്കുന്നത്. നവംബർ 11 മുതൽ 21 വരെ ക്യാമ്പ് .
കുടുംബത്തിൻറെ ദൈനംദിന ജീവിത ചെലവിനും മക്കളുടെ വിദ്യാഭ്യാസ ചെലവിനും ബുദ്ധിമുട്ടുന്ന സാധാരണക്കാർക്ക് നഷ്ടപ്പെട്ട കാലുകൾക്ക് പകരം കൃത്രിമ കാലുകൾ നൽകിക്കൊണ്ട് ജീവിതത്തിലേക്ക് തിരിച്ചു കൊണ്ടു വരുന്ന മഹത്തായ ജീവകാരുണ്യപ്രവർത്തനമാണിത്.
ഇതുവരെ ക്യാമ്പുകളിൽ പങ്കെടുത്ത കൃത്രിമ കാൽ വച്ച് പിടിപ്പിക്കപ്പെട്ട ആളുകളുടെ പഴയ കൃത്രിമക്കാലുകൾക്ക് കേടുപാടുകളും സംഭവിച്ചിട്ടുണ്ടെങ്കിൽ അത് പരിഹരിക്കുന്നതിനുള്ള സംവിധാനവും ക്യാമ്പിൽ ലഭ്യമായിരിക്കും. 400 പേർക്കെങ്കിലും കൃതിമ കാൽ നൽകുവാനാണ് സംഘാടകർ പദ്ധതിയിട്ടിട്ടുള്ളത്. 70 വയസ്സുവരെയുള്ളവർക്ക് അപേക്ഷിക്കാം. ഗുണഭോക്കാക്കൾ അവരുടെ പേര്, വയസ്സ് ,സ്ഥലം , ഫോൺ നമ്പർ ,മേൽ വിലാസം എന്നിവ നവംബർ 10 ന് മുമ്പ് 8075571939 നമ്പറിൽ വിളിച്ച് റജിസ്റ്റർ ചേയ്യേണ്ടതാണ്.
ക്യാമ്പിനു വരുന്ന സമയത്ത് ഒരു ഫോട്ടോയും ഐഡൻ്റിറ്റി കാർഡിൻ്റെ കോപ്പിയും കൊണ്ടു വരേണ്ടതാണ്.
ഗുണഭോക്താക്കൾ അവരവരുടെ പ്രദേശത്തെ ലയൺസ് ക്ലബുമായി ബന്ധപ്പെട്ടാൽ രജിസ്ട്രേഷനുവേണ്ടി സഹായവും നിർദ്ദേശങ്ങളും ലഭിക്കുന്നതായിരിക്കും. നിർദ്ദേശങ്ങൾക്ക് വിധേയമായിട്ടായിരിക്കും ക്യാമ്പ് നടത്തുന്നത് എന്ന് സംഘാടകർ അറിയിച്ചു.
