തിക്കോടി: തിക്കോടിയിൽ അടിപ്പാത അനുവദിച്ചതിന്റെ ആഹ്ലാദപ്രകടനത്തിൽ നാട്ടുകാർ. ഇന്ന് വൈകുന്നേരം 5:45 ന് തിക്കോടി ടൗണിൽ ആക്ഷൻ കമ്മറ്റിയുടെ നേതൃത്വത്തിൽ ആഹ്ലാദ പ്രകടനം നടത്തി. ‘ ജനകീയ സമരം വിജയിച്ചു ‘ എന്ന ബാനറുകളുയർത്തി പിടിച്ചായിരുന്നു ആഹ്ലാദ പ്രകടനം.
തിക്കോടി പാലൂർ-ചിങ്ങപുരം റോഡിന് സമീപമാണ് അടിപ്പാത അനുവദിച്ചത്. രണ്ടര വർഷമായി ആക്ഷൻ കമ്മിറ്റിയുടെ നേതൃത്വത്തിൽ തിക്കോടിയിൽ സമരം നടന്നുവരികയായിരുന്നു.
സമരത്തിൽ പങ്കെടുത്ത മുഴുവൻ ആളുകളെയും പിന്തുണച്ചവരെയും അഭിവാദ്യം ചെയ്യുന്നതായി ചെയർമാൻ വി.കെ. അബ്ദുൾ മജീദ്, കൺവീനർ കെ.വി. സുരേഷ് കുമാർ എന്നിവർ അറിയിച്ചു.
Video Player
00:00
00:00
