ബേ​പ്പൂ​ർ: ബേ​പ്പൂ​ർ-​ചാ​ലി​യം ക​ട​വി​ൽ ഏ​താ​നും ദി​വ​സ​ങ്ങ​ൾ​ക്ക​കം ജ​ങ്കാ​ർ സ​ർ​വി​സ് പു​ന​രാ​രം​ഭി​ക്കും. കൊ​ച്ചി​യി​ൽ​നി​ന്ന് പു​തി​യ ജ​ങ്കാ​ർ എ​ത്തി​ക്കാ​നാ​ണ് ശ്ര​മം. വി​വി​ധ വ​കു​പ്പു​ക​ളി​ൽ​നി​ന്ന് അ​നു​മ​തി ല​ഭി​ക്കു​ക​യും ഒ​പ്പം കാ​ലാ​വ​സ്ഥ അ​നു​കൂ​ല​മാ​വു​ക​യും ചെ​യ്താ​ൽ അടുത്ത ദിവസം ജ​ങ്കാ​ർ ബേ​പ്പൂ​രി​ലെ​ത്തി​ക്കും. സു​ര​ക്ഷാ​ക്ര​മീ​ക​ര​ണ​ങ്ങ​ളി​ലെ അ​പാ​ക​ത​യും പ​ഴ​ക്കം​ചെ​ന്ന ജ​ങ്കാ​റി​ന്റെ അ​പ​ക​ട ഭീ​തി​യും മു​ന്നി​ൽ​ക​ണ്ട്, തു​റ​മു​ഖ​വ​കു​പ്പ് ര​ണ്ട​ര മാ​സം മു​മ്പ് നി​ല​വി​ലെ സ​ർ​വി​സ് നി​ർ​ത്തി​വെ​ക്കാ​ൻ ഉ​ത്ത​ര​വി​ടു​ക​യാ​യി​രു​ന്നു. ജ​ങ്കാ​റി​ന്റെ ചു​മ​ത​ല​യു​ള്ള ക​ട​ലു​ണ്ടി പ​ഞ്ചാ​യ​ത്ത്, ബ​ദ​ൽ സം​വി​ധാ​നം ഏ​ർ​പ്പെ​ടു​ത്തു​ന്ന​തി​ൽ പ​രാ​ജ​യ​പ്പെ​ട്ട​തി​നാ​ൽ വി​വി​ധ തു​റ​ക​ളി​ൽ​നി​ന്ന് വ്യാ​പ​ക​മാ​യ പ്ര​തി​ഷേ​ധം ഇ​തി​നി​ടെ ഉ​യ​ർ​ന്നി​രു​ന്നു.

അ​റ്റ​കു​റ്റ​പ്പ​ണി പൂ​ർ​ത്തി​യാ​ക്കി ജ​ങ്കാ​ർ യാ​ത്ര പു​ന​രാ​രം​ഭി​ക്കാ​ൻ സ​ഹാ​യം ചെ​യ്തു​കൊ​ടു​ക്കാ​ൻ പ​ഞ്ചാ​യ​ത്ത് അ​ധി​കൃ​ത​ർ ത​യാ​റാ​യി​ല്ലെ​ന്നും ആ​ക്ഷേ​പ​മു​ണ്ടാ​യി. കൊ​ച്ചി​യി​ൽ​നി​ന്നു വ​രു​ന്ന പു​തി​യ ജ​ങ്കാ​റി​നൊ​പ്പം നി​ല​വി​ൽ സ​ർ​വി​സ് ന​ട​ത്തി​യി​രു​ന്ന ജ​ങ്കാ​റും അ​റ്റ​കു​റ്റ​പ്പ​ണി​ക്ക് ശേ​ഷം ബേ​പ്പൂ​ർ-​ചാ​ലി​യം ക​ട​വി​ൽ സ​ർ​വി​സ് ന​ട​ത്തു​മെ​ന്നാ​ണ് വി​വ​രം. ര​ണ്ടു ജ​ങ്കാ​റു​ക​ൾ സ​ർ​വി​സ് ന​ട​ത്തു​മ്പോ​ൾ ജ​ന​ങ്ങ​ൾ​ക്ക് ഏ​റെ സ​മ​യ​ലാ​ഭം ഉ​ണ്ടാ​കും. ജ​ങ്കാ​റി​ൽ അ​ഞ്ച് മി​നി​റ്റു​കൊ​ണ്ട് അ​ക്ക​രെ എ​ത്തി​യി​രു​ന്ന സ്ഥാ​ന​ത്ത് ഇ​പ്പോ​ൾ യാ​ത്ര​ക്കാ​ർ 11 കി​ലോ​മീ​റ്റ​ർ റോ​ഡ് മാ​ർ​ഗം ചു​റ്റി​സ​ഞ്ച​രി​ച്ചാ​ണ് യാ​ത്ര ചെ​യ്യു​ന്ന​ത്.