തുറയൂർ: തുറയൂർ എ എൽ പി സ്കൂൾ 2024- 25 അധ്യായന വർഷ പ്രവേശനോത്സവം സമുചിതമായി ആഘോഷിച്ചു. നവാഗതർക്ക് മിഠായിയും ബലൂണും നൽകി സ്വീകരിച്ചു. പ്രവേശനോത്സവം തുറയൂർ ഗ്രാമപഞ്ചായത്ത് വൈസ് പ്രസിഡന്റ് ശ്രീജ മാവുള്ളാട്ടിൽ ഉദ്ഘാടനം ചെയ്തു.
വാർഡ് മെമ്പർ സജിത കോലാത്ത് താഴ പഠന കിറ്റ് വിതരണം ചെയ്തു. ആശംസകൾ നേർന്നുകൊണ്ട് പി ടി ശശി, നജ്മുന്നിസ കിഴക്കലോൽ, അമൽ ലാൽ എസ് എ, ബീന എം സി,ആതിര എന്നിവർ സംസാരിച്ചു. രക്ഷാകർതൃ വിദ്യാഭ്യാസത്തെ സംബന്ധിച്ച് ശാരിക എം പി ക്ലാസ് നയിച്ചു. പിടിഎ പ്രസിഡണ്ട് ബോബിഷ വി കെ അധ്യക്ഷത വഹിച്ച ചടങ്ങിൽ പ്രധാന അധ്യാപകൻ സനൂപ് പി.ടി സ്വാഗതം പറഞ്ഞു. സ്റ്റാഫ് സെക്രട്ടറി എം ഫിറോസ് മാസ്റ്റർ നന്ദി രേഖപ്പെടുത്തി. തുടർന്ന് വേദിയിൽ മാജിക് ഷോ അരങ്ങേറി.
