കൊയിലാണ്ടി :ചക്ക പറിക്കുന്നതിനിടെ ഷോക്കേറ്റ് മധ്യവയസ്കൻ മരിച്ചു. കൊല്ലം പാറപ്പള്ളി റോഡിലാണ് സംഭവം. കൊല്ലം മരുതൻകണ്ടി രാമൻ (65) ആണ് മരിച്ചത്. അടുത്ത വീട്ടിലെ പറമ്പിലെ ചക്ക പറിക്കുമ്പോഴാണ് സംഭവം. ഇരുമ്പ്പൈപ്പ് ഉപയോഗിച്ചാണ് ചക്ക പറിക്കുമ്പോ വൈദ്യുതി ലൈനിൽ തട്ടുകയായിരുന്നു.. മൂന്നു മണിയോടുകൂടിയാണ് സംഭവം. സംഭവം ഇതര സംസ്ഥാന തൊഴിലാളികൾ കണ്ടതിനെ തുടർന്ന് വിവരം പോലീസിൽ അറിയിക്കുകയായിരുന്നു. പോലീസ് സ്ഥലത്തെത്തിയാണ് ഇയാളെ താലൂക്കാശുപത്രിയിൽ എത്തിച്ചത്. ആശുപത്രിയിൽ എത്തിക്കുമ്പോഴേക്കും മരണം സംഭവിച്ചിരുന്നു. മൃതദേഹം കൊയിലാണ്ടി മോർച്ചറിയിലെക്ക് മാറ്റി.