കോ​ഴി​ക്കോ​ട്: നഗരത്തിലെ പ്രധാന റോഡുകൾ, നടപ്പാതകൾ, ബസ് സ്റ്റാൻഡുകൾ എന്നിവയിൽ അനധികൃത തെരുവുവ്യാപാരം വർധിച്ചുവരികയാണ്. യാത്രക്കാർക്ക് നടക്കാനാകാതെ ഇരിക്കുന്ന രീതിയിൽ നടപ്പാതകൾ കൈയേറിയിട്ടും അധികൃതർ അടിയന്തര നടപടി സ്വീകരിക്കുന്നില്ല.

തൊ​ഴി​ലാ​ളി യൂ​നി​യ​നു​ക​ളു​ടെ പി​ന്തു​ണ​യും ഇ​ത്ത​ര​ക്കാ​ർ​ക്കു ല​ഭി​ക്കു​ന്നു​ണ്ട്. മാ​നാ​ഞ്ചി​റ, പാ​ള​യം, മൊ​ഫ്യൂ​സി​ൽ ബ​സ് സ്റ്റാ​ൻ​ഡ്, മി​ഠാ​യി​ത്തെ​രു​വ്, സി​റ്റി സ്റ്റാ​ൻ​ഡ്, ബീ​ച്ച്, റെ​യി​ൽ​വേ സ്റ്റേ​ഷ​ൻ പ​രി​സ​രം, ഭ​ട്ട് റോ​ഡ്, ക​ണ്ണം​പ​റ​മ്പ്, മെ​ഡി​ക്ക​ൽ കോ​ള​ജ്, ബീ​ച്ച് ആ​ശു​പ​ത്രി പ​രി​സ​രം, വ​ലി​യ​ങ്ങാ​ടി തു​ട​ങ്ങി​യ ന​ഗ​ര​ത്തി​ലെ പ്ര​ധാ​ന കേ​ന്ദ്ര​ങ്ങ​ളി​ലെ​ല്ലാം അ​ന​ധി​കൃ​ത ത​ട്ടു​ക​ട​ക​ൾ നി​റ​ഞ്ഞി​രി​ക്കു​ക​യാ​ണ്.

ആ​രാ​ധ​നാ​ല​യ​ങ്ങ​ൾ, സ്കൂ​ളു​ക​ൾ തു​ട​ങ്ങി​യ​വ​ക്ക് സ​മീ​പ​വും അ​ന​ധി​കൃ​ത തെ​രു​വു വ്യാ​പാ​രം ത​കൃ​തി​യാ​യി ന​ട​ക്കു​ന്നു​ണ്ട്. ഇ​ത് കാ​ൽ​ന​ട യാ​ത്ര​ക്കാ​ർ​ക്കും വാ​ഹ​ന​ങ്ങ​ൾ​ക്കും ഏ​റെ പ്ര​തി​സ​ന്ധി സൃ​ഷ്ടി​ക്കു​ന്നു. ത​ട്ടു​ക​ട​ക​ൾ റോ​ഡി​ലേ​ക്ക് ഇ​റ​ക്കി​വെ​ക്കു​ന്ന​ത് പ​ല​പ്പോ​ഴും ഗ​താ​ഗ​ത​ക്കു​രു​ക്കി​നും അ​പ​ക​ട​ത്തി​നും ഇ​ട​യാ​ക്കു​ന്ന​താ​യും പ​രാ​തി​യു​ണ്ട്. ഒ​രു ത​ര​ത്തി​ലു​മു​ള്ള ലൈ​സ​ൻ​സും കൂ​ടാ​തെ​യാ​ണ് ഉ​ന്തു​വ​ണ്ടി​ക​ളി​ലും വാ​ഹ​ന​ങ്ങ​ളി​ലു​മാ​യി സാ​ധ​ന​ങ്ങ​ൾ വി​ൽ​പ​ന ന​ട​ത്തു​ന്ന​ത്. ഭ​ക്ഷ​ണം വി​ൽ​ക്കു​ന്ന ത​ട്ടു​ക​ട​ക​ളി​ൽ ഭ​ക്ഷ്യ​സു​ര​ക്ഷ വ​കു​പ്പി​ന്‍റെ പ്രോ​ട്ടോ​കോ​ളും പാ​ലി​ക്കു​ന്നി​ല്ല. രാ​ത്രി​യി​ൽ മാ​ത്രം സ​ജീ​വ​മാ​കു​ന്ന ത​ട്ടു​ക​ട​ക​ളും ധാ​രാ​ള​മാ​ണ്. ബീ​ച്ചി​ല​ട​ക്കം അ​ന​ധി​കൃ​ത ത​ട്ടു​ക​ട​ക​ൾ കേ​ന്ദ്രീ​ക​രി​ച്ച് മ​യ​ക്കു​മ​രു​ന്ന് വി​ൽ​പ​ന​യും ന​ട​ക്കു​ന്നു​ണ്ട്.