കൊയിലാണ്ടി: തെങ്ങിൽ കുടുങ്ങിയ ആളെ രക്ഷപ്പെടുത്തി. ഇന്ന് ഉച്ചയോടെ നന്തി മുത്താഴം ബീച്ചിനടുത്ത് തെങ്ങിൽ കയറിയ തൊഴിലാളിയായ മൂലാട് കാറില കണ്ടി കോളനി ബാലൻ (63 ) നെയാണ് രക്ഷപ്പെടുത്തിയത്. ഇദ്ദേഹം തെങ്ങിൽ കയറാൻ ഉപയോഗിക്കുന്ന മിഷനിൽ കാലു കുടുങ്ങി ഇറങ്ങാൻ പറ്റാതാവുകയായിരുന്നു. വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന എത്തി റോപ്പിന്റെയും നെറ്റിന്റെയും സഹായത്തോടുകൂടി ഇദ്ദേഹത്തെ സുരക്ഷിതമായി താഴെ എത്തിക്കുകയും ചെയ്തു.
സ്റ്റേഷൻ ഓഫീസർ ശരത് പി കെ യുടെ നേതൃത്വത്തിൽ ഗ്രേഡ് എ എസ്. ടി. പി കെ ബാബു, എഫ്.ആർ.ഓ മാരായ ജിനീഷ് കുമാർ,അരുൺ എസ്, അനൂപ്, ബബീഷ്, നിതിൻ രാജ്, റഷീദ്, ഹോംഗാര്‍ഡുമാരായ സോമരാജ്, ബാലൻ, സുജിത് എന്നിവർ രക്ഷാപ്രവർത്തനത്തിൽ ഏർപ്പെട്ടു.
