ചേമഞ്ചേരി: തിരുവങ്ങൂരിലെ പ്രസിദ്ധ ക്ഷേത്രമായ ശ്രീ ക്ഷേത്രപാലൻ കോട്ട ക്ഷേത്രത്തിലെ ഈ വർഷത്തെ തേങ്ങയേറും പാട്ടും ഉൽസവം 2025 ഡിസംബർ 28, 29, 30 എന്നീ തീയ്യതികളിൽ നടക്കുകയാണ് തന്ത്രി ബ്രഹ്മശ്രീ പാടേരി ഇല്ലത്ത് നാരായണൻ നമ്പൂതിരിപാടിൻ്റെ മുഖ്യ കാർമ്മികത്വത്തിലാണ് ചടങ്ങുകൾ നടക്കുക. 28 ന് ക്ഷേത്രത്തിലെ ചടങ്ങുകൾക്ക് പുറമേ 7 മണി മുതൽ നൃത്ത സന്ധ്യയും ഉണ്ടായിരിക്കും 29 ന് ഗണപതി ഹോമത്തോടെ ആരംഭിക്കുന്ന ചടങ്ങുകൾ അരങ്ങ് കുല മുറിക്ക് ശേഷം വൈകുന്നേരം ആഘോഷ വരവും, രാത്രി 8.30 ന് ജാനു തമാശയും നാടൻ പാട്ടും ഉണ്ടായിരിക്കും 30 ന് സമൂഹസദ്യയും 7 മണിക്ക് പ്രശസ്ത വാദ്യകലാകാരൻ കാഞ്ഞിലശ്ശേരി വിനോദ് കുമാറിൻ്റെ നേതൃത്വത്തിൽ തായമ്പകയും തുടർന്ന് തേങ്ങയേറും പാട്ടും ഉണ്ടാകുമെന്ന് കമ്മറ്റി ഭാരവാഹികളായ ചെയർമാൻ വേണു പൈക്കാട്ട്, ശ്രീജിത്ത് പെരൂളി, സന്തോഷ് വാളിക്കണ്ടി എന്നിവർ അറിയിച്ചു.