കൊയിലാണ്ടി: കൊയിലാണ്ടിയിലും പരിസര പ്രദേശങ്ങളിലും ദേശീയപാതയോരത്ത് നിർത്തിയിടുന്ന വാഹനങ്ങളിലെ ബാറ്ററി മോഷ്ടാവിനെ കൊയിലാണ്ടി പോലീസ് പിടികൂടി. എടക്കുള ചെങ്ങോട്ടുകാവ് സ്വദേശി സൂര്യനാണ് (24) പിടിയിലായത്. കഴിഞ്ഞ രണ്ട് മാസക്കാലം ആയി കൊയിലാണ്ടി സ്റ്റേഷൻ പരിധിയിൽ നിരവധി വാഹനങ്ങളുടെ ബാറ്ററികൾ കളവു പോയിരുന്നു.
സൂര്യൻ
റോഡരികിൽ നിർത്തിയിട്ട വാഹനങ്ങളുടെ ബാറ്ററി മോഷണം പോകുന്നത് പതിവായ സാഹചര്യത്തിൽ കൊയിലാണ്ടി പോലീസ് സിഐ ശ്രീലാൽ ചന്ദ്രശേഖരന്റെ നേതൃത്വത്തിൽ എസ് ഐ പ്രദീപൻ, സീനിയർ സിപിഎം മാരായ സിനിരാജ്, മിനേഷ്, ബിജു വാണിയംകുളം എന്നിവരടങ്ങുന്ന സംഘമാണ് പ്രതിയെ കസ്റ്റഡിയിലെടുത്തത് പ്രതിയെ കോടതിയിൽ ഇന്ന് ഹാജരാക്കും.
