തിരുവനന്തപുരം: മാറനല്ലൂരിൽ വാഹനാപകടത്തിൽ യുവാവിന് ദാരുണാന്ത്യം. തിരുവനന്തപുരം പെരുങ്കടവിള സ്വദേശി വിവേക് ആണ് മരിച്ചത്.
അപകടത്തിൽപെട്ട് യുവാവ് അരമണിക്കൂറോളം റോഡിൽ കിടന്നു. ആംബുലൻസ് എത്താൻ വൈകിയതാണ് കാരണം. ഞായറാഴ്ച രാത്രിയാണ് അപകടം.
തിരുവനന്തപുരം ശ്രീകാര്യത്തുണ്ടായ മറ്റൊരു അപകടത്തില്‍ വയോധികൻ മരിച്ചു.കെ.എസ്.ആര്‍.ടി.സി ബസും സ്കൂട്ടറും ഇടിച്ച് സ്കൂട്ടർ യാത്രികനായി ശ്രീകാര്യം വെഞ്ചാവോട് സ്വദേശി സെൽവൻ (68) ആണ് മരിച്ചത്. ചൊവ്വാഴ്ച പുലർച്ചെ അഞ്ചരയോടെയായിരുന്നു അപകടം.
പാൽ വിൽപനക്കാരനാണ് സെൽവൻ. കോഴിക്കോട്ടേക്ക് പോയ ബസാണ് അപകടത്തിൽപെട്ടത്.
